വര്ക്കല പാപനാശത്ത് തീപിടുത്തം, കോടികളുടെ നഷ്ടം
17 April 2015
വര്ക്കല പാപനാശത്ത് തീപിടുത്തത്തില് കോടികളുടെ നഷ്ടം. വര്ക്കല ബീച്ചിനടുത്തുള്ള ഇരുപതോളം വ്യാപാര സ്ഥാപനങ്ങള്ക്കാണ് തീ പിടിച്ചത്. ഇലക്ട്രിക് പോസ്റ്റിലെ ഷോട്ട് സര്ക്യൂട്ടില് നിന്നുള്ള തീപ്പൊരി, ഓലമേഞ്ഞ കടകളുടെ മേല്ക്കൂരയിലേക്ക് വീഴുകയും തുടർന്ന് തീപിടിക്കുകയുമായിരുന്നു.
തീപിടിച്ച കടയിലെ ഗ്യാസ് സിലിണ്ടര് പൊട്ടിത്തെറിച്ച് തീ അതിവേഗം മറ്റ് കടകളിലേക്കും വ്യാപിച്ചു. രക്ഷാപ്രവര്ത്തനത്തിനിടെ യുവാവിന് പൊള്ളലേറ്റു. ഫയര് ഫോഴ്സും നാട്ടുകാരും ചേര്ന്ന് തീ നിയന്ത്രണ വിധേയമാക്കി.