ക്രിസ്മസ് ഇങ്ങനെയും അവസ്മരണീയമാക്കാം, സര്‍ക്കാര്‍ സ്‌കൂളിലെ വിദ്യാര്‍ത്ഥികളുടെ ആഘോഷം അനാഥാലയത്തിലെ കുരുന്നുകള്‍ക്കൊപ്പം   • ഇ വാർത്ത | evartha
Editors Picks, Kerala

ക്രിസ്മസ് ഇങ്ങനെയും അവസ്മരണീയമാക്കാം, സര്‍ക്കാര്‍ സ്‌കൂളിലെ വിദ്യാര്‍ത്ഥികളുടെ ആഘോഷം അനാഥാലയത്തിലെ കുരുന്നുകള്‍ക്കൊപ്പം

unnamedക്രിസ്മസ് പാപ്പയുടെ വേഷപകര്‍ച്ചയോടെയെത്തിയ വിദ്യാര്‍ത്ഥികള്‍ കുരുന്നുകള്‍ക്കൊപ്പം കാരള്‍ഗാനങ്ങള്‍ പാടി. പിന്നെ ഒത്തുചേര്‍ന്ന് കേക്ക് മുറിച്ചു. പിന്നെ എല്ലാവരും ചേര്‍ന്നിരുന്ന് ഭക്ഷണവും കഴിച്ചു. താഴത്തുവടകര ഗവ: ഹയര്‍സെക്കണ്ടെറി സ്‌കൂളിലെ വിദ്യാര്‍ത്ഥികള്‍ ക്രിസ്മസ് രാജമറ്റം ഇന്‍ഫന്റ് ജീസസ് അനാഥാലയത്തിലെ കുരുന്നുകള്‍ക്കൊപ്പം ആഘോഷിച്ചപ്പോള്‍ അത് ഒരു നാടിന് മുഴുവന്‍ വേറിട്ട അനുഭവമായി.
നാടെങ്ങും ക്രിസ്മസ് ആഘോഷം ഗംഭീരമാക്കുവാന്‍ തയ്യാറെടുക്കുമ്പോള്‍ അനാഥകുട്ടികളുടെ ക്രിസ്മസ് അവസ്മരണീയമാക്കിയ സര്‍ക്കാര്‍ സ്‌കൂളിലെ വിദ്യാര്‍ത്ഥികളെ തേടിയെത്തിയതും അഭിനന്ദനപ്രവാഹമായിരുന്നു. വിദ്യാര്‍ത്ഥികള്‍ വേറിട്ട ഒരു ക്രിസ്മസ് സമ്മാനവും കുരുന്നുകള്‍ക്കായി കരുതിവെച്ചിരുന്നു. വിദ്യാര്‍ത്ഥികള്‍ തന്നെ സ്വരൂപിച്ച പതിനായിരം രൂപ ക്രിസ്മസ് സമ്മാനമായി ഇന്‍ഫന്റ് ജീസസ് അനാഥാലയത്തിലെ കുരുന്നുകള്‍ക്ക് കൈമാറി. മണിക്കൂറുകളോളം കുരുന്നുകള്‍ക്കൊപ്പം ചിലവഴിച്ച ശേഷമാണ് വിദ്യാര്‍ത്ഥികളും സ്‌കൂള്‍ പ്രിന്‍സിപ്പല്‍ എം.എം റഷീദയും, പിടിഎ പ്രസിഡന്റ് വിജയകുമാറും അധ്യാപകരും അനാഥാലയത്തില്‍ നിന്നും മടങ്ങിയത്.