നീതിയുടെ പ്രകാശഗോപുരമാണ് വിടവാങ്ങിയതെന്ന് ആഭ്യന്തര മന്ത്രി രമേശ് ചെന്നിത്തല
നീതിയുടെ പ്രകാശഗോപുരമാണ് വിടവാങ്ങിയതെന്ന് ആഭ്യന്തര മന്ത്രി രമേശ് ചെന്നിത്തല പറഞ്ഞു . സാമൂഹിക പ്രശ്നങ്ങളില് ഇടപെടുമ്പോള് ഭരണാധികാരികളുടെ മുമ്പില് വസ്തുതകള് ശരിയായി അവതരിപ്പിച്ച് പരിഹരിക്കാന് കൃഷ്ണയ്യര്ക്ക് കഴിഞ്ഞുവെന്നും ചെന്നിത്തല അനുസ്മരിച്ചു.
വേദനയോടെ മാത്രമേ കേരളീയ സമൂഹത്തിനും നീതിന്യായവ്യവസ്ഥയില് താല്പര്യമുള്ളവര്ക്കും അദ്ദേഹത്തിന്റെ വേര്പാടിനെ കാണാനാവൂമെന്ന് സി.പി.എം പിബി അംഗം എം.എ ബേബി അനുസ്മരിച്ചു. എല്ലാ സാമൂഹിക പ്രശ്നങ്ങളിലും കൃഷ്ണയ്യര് പ്രതികരിച്ചിരുവെന്ന് കോടിയേരി ബാലകൃഷ്ണന് അനുസ്മരിച്ചു. പ്രശ്നങ്ങളില് അദ്ദേഹത്തിന്റെ പ്രതികരണത്തിനായി രാജ്യം കാതോര്ത്തുവെന്നും കോടിയേരി പറഞ്ഞു.
നീതിന്യായ വ്യവസ്ഥയില് മാത്രമല്ല രാഷ്ട്രീയ ചരിത്രത്തില് നിര്ണായക പങ്ക് വഹിച്ച വ്യക്തിയായിരുന്നു കൃഷ്ണയ്യരെന്ന് എ.കെ ആന്റണി പറഞ്ഞു. രാജ്യത്തെ ഇടതുപക്ഷ മതനിരപേക്ഷ പ്രസ്ഥാനത്തിന് കനത്ത നഷ്ടമാണ് കൃഷണയ്യരുടെ മരണമെന്ന് വി.എസ് അച്യുതാനന്ദന് അനുസ്മരിച്ചു.