മദ്യവില്പ്പനക്കാരുടെ വോട്ടും പണവും യു.ഡി.എഫിന് വേണ്ടെന്ന് സുധീരന്
24 November 2014
യു.ഡി.എഫിന് മദ്യവില്പ്പനക്കാരുടെ വോട്ടും പണവും വേണ്ടെന്ന് കെ.പി.സി.സി പ്രസിഡന്റ് വി.എം സുധീരന്. ഇക്കാര്യം ഉചിതമായ വേദിയില് പാര്ട്ടി പ്രഖ്യാപിക്കുമെന്നും അദ്ദേഹം പറഞ്ഞു. ബാര് കോഴ വിവാദത്തില് എല്.ഡി.എഫ് പ്രഖ്യാപിച്ചിരിക്കുന്ന സമരം സി.പി.ഐ.എം- സി.പി.ഐ സമരം തീര്ക്കാനുള്ള സമരമാണെന്നും സുധീരന് പറഞ്ഞു. നൂറുശതമാനം ഇത് ഒരു അഡ്ജസ്റ്റ്മെന്റ് സമരമാണെന്നും യഥാര്ത്ഥത്തില് ബാര് കോഴയില് തെളിവുകള് ഹാജരാക്കാന് പ്രതിപക്ഷത്തിന് ഇതുവരെയും കഴിഞ്ഞിട്ടില്ലെന്നും അദ്ദേഹം കൂട്ടിച്ചേര്ത്തു.