സംസ്ഥാന സ്കൂൾ കലോത്സവത്തിന്റെ വേദി കോഴിക്കോട്ടേയ്ക്ക് മാറ്റി
12 November 2014
55-മത് സംസ്ഥാന സ്കൂൾ കലോത്സവത്തിന്റെ വേദി കോഴിക്കോട്ടേയ്ക്ക് മാറ്റി. ജനുവരി 15 നാണ് കലോത്സവം ആരംഭിക്കുന്നത്. നേരത്തെ, കലോത്സവം എറണാകുളത്ത് നടത്താനാണ് നിശ്ചയിച്ചിരുന്നത്. കൊച്ചി മെട്രോ നിർമ്മാണവുമായി ബന്ധപ്പെട്ട ഗതാഗതക്കുരുക്ക് കണക്കിലെടുത്താണ് വേദി കോഴിക്കോട്ടേയ്ക്ക് മാറ്റാൻ തീരുമാനിച്ചത്. അതേസമയം കലോത്സവം ആലപ്പുഴയിലേക്ക് മാറ്റിയേക്കുമെന്ന് നേരത്തെ റിപ്പോർട്ടുകളുണ്ടായിരുന്നു.
