ശ്രീലങ്കയ്ക്കെതിരായ മൂന്നാം ഏകദിനത്തിലും ഇന്ത്യയ്ക്ക് ജയം
9 November 2014
ശ്രീലങ്കയ്ക്കെതിരായ മൂന്നാം ഏകദിനത്തിലും ഇന്ത്യയ്ക്ക് ജയം. ആറ് വിക്കറ്റും 35 പന്തും ബാക്കി നിൽക്കെയാണ് വിജയലക്ഷ്യമായ 242 റൺസ് ഇന്ത്യ മറികടന്നത്. ഒൻപത് റൺസ് അകലെ സെഞ്ചറി നഷ്ടമായ ശിഖർ ധവന്റെയും (91) ക്യാപ്റ്റൻ വിരാട് കൊഹ്ലി(53)യുടെയും മികച്ച പ്രകടനമാണ് ഇന്ത്യയ്ക്ക് വിജയം നേടി കൊടുത്തത് .
നേരത്തെ മഹേല ജയവർധന(118)യുടെ സെഞ്ച്വറിയുടെ മികവിലാണ് ലങ്ക 242 റൺസ് അടിച്ചത്. അഞ്ച് താരങ്ങൾ അഞ്ചിൽ താഴെ റൺസിൽ പുറത്തായപ്പോൾ ജയവർധനയുടെ ഒറ്റയാൾ പോരാട്ടവും ദിൽഷന്റെ (53) പിന്തുണയുമാണ് ലങ്കയെ താരതമ്യേന ഭേദപ്പെട്ട സ്കോറിലെത്തിച്ചത്.