ജനവിധിയെ അംഗീകരിക്കുന്നുവെന്ന് കോണ്ഗ്രസ് ഉപാധ്യക്ഷന് രാഹുല് ഗാന്ധി
19 October 2014
മഹാരാഷ്ട്രയിലെയും ഹരിയാനയിലെയും ജനവിധിയെ അംഗീകരിക്കുന്നുവെന്ന് കോണ്ഗ്രസ് ഉപാധ്യക്ഷന് രാഹുല് ഗാന്ധി. മികച്ച വിജയം നേടിയ ബി.ജെ.പിയെ രാഹുൽ ഗാന്ധി അഭിനന്ദിച്ചു. ജനങ്ങള് മാറ്റത്തിനു വേണ്ടിയാണ് വോട്ടുചെയ്തത് എന്നും കോണ്ഗ്രസ് ജനങ്ങളുടെ വിശ്വാസം തിരിച്ചുപിടിക്കുമെന്നും രാഹുല് പ്രതികരിച്ചു .
ഇരു സംസ്ഥാനങ്ങളിലും തിരഞ്ഞെടുപ്പിൽ കോണ്ഗ്രസ് മൂന്നാം സ്ഥാനത്താണ്. കോണ്ഗ്രസിന്റെ പല പ്രമുഖരായ നേതാക്കളും തോല്ക്കുകയും ചെയ്തു. ഈ സാഹചര്യത്തില് പ്രിയങ്കാ ഗാന്ധിയെ നേതൃനിരയിലേക്ക് കൊണ്ടു വരണമെന്ന ആവശ്യം വീണ്ടും ഉയര്ന്നിരിക്കുകയാണ്.
പ്രിയങ്കയെ സജീവ രാഷ്ട്രീയത്തില് ഇറക്കണമെന്ന് ആവശ്യപ്പെട്ട് കോണ്ഗ്രസ് പ്രവര്ത്തകര് എഐസിസി ആസ്ഥാനത്തിന് മുന്നില് പ്രതിഷേധിച്ചു. പ്രിയങ്കയെ കൊണ്ടുവരൂ; കോണ്ഗ്രസിനെ രക്ഷിക്കൂ എന്ന ബാനറുകളുമായായിരുന്നു പ്രകടനം.