2013ലെ സംസ്ഥാന ചലച്ചിത്ര പുരസ്കാരങ്ങള് വിതരണം ചെയ്തു
2013ലെ സംസ്ഥാന ചലച്ചിത്ര പുരസ്കാരങ്ങള് വിതരണം ചെയ്തു. മലയാള സിനിമാ ലോകത്തിന് നല്കിയ സമാനതകളില്ലാത്ത സമഗ്ര സംഭാവനകള് പരിഗണിച്ച് എം.ടിയെന്ന പ്രതിഭയെ 2013-ലെ ജെ.സി ഡാനിയേല് പുരസ്കാരം നല്കി ആദരിച്ചു.അവാര്ഡ് തുക വര്ധിപ്പിക്കുന്ന കാര്യം പരിഗണനയിലുണ്ടെന്ന് പുരസ്കാര വേളയില് മുഖ്യമന്ത്രി പറഞ്ഞു.
മികച്ച കഥാചിത്രമായ ക്രൈംനമ്പര് 89 നുള്ള പുരസ്കാരം മുഖ്യമന്ത്രിയില് നിന്നും സിനിമയുടെ അണിയറ പ്രവര്ത്തകര് ഏറ്റുവാങ്ങി. ആര്ട്ടിസ്റ്റിന്റെ സംവിധായകന് ശ്യാമപ്രസാദിന് മികച്ച സംവിധായകനുള്ള പുരസ്കാരം കൈമാറി. ക്യാഷ് അവാര്ഡും പ്രശസ്തി പത്രവുമടങ്ങുന്നതാണ് പുരസ്കാരം.
മികച്ച നടനുള്ള പുരസ്കാരം ഫഹദ് ഫാസിലും ലാലും പങ്ക് വെച്ചപ്പോൾ മികച്ച നടിക്കുള്ള പുരസ്കാരം ആന് അഗസ്റ്റിനും ഹാസ്യനടനുള്ള പുരസ്കാരം സുരാജ് വെഞ്ഞാറമൂടും മുഖ്യമന്ത്രിയില് നിന്ന് ഏറ്റുവാങ്ങി. സനൂപ് സന്തോഷും അനികയും മികച്ച ബാലതാരങ്ങള്ക്കുള്ള പുരസ്കാരം പങ്കുവെച്ചു. അതേസമയം വിവാദമായ മികച്ച ഗായകനുള്ള പുരസ്കാരം സംഘാടകര് ഒഴിവാക്കി. അവാര്ഡ് പ്രഖ്യാപന വേളയില് ഗായകന്റെ പേര് തെറ്റായി നല്കിയതിനെച്ചൊല്ലി നേരത്തെ വിവാദമുയര്ന്നിരുന്നു.