തരൂരിനെ എഐസിസി വക്താവ് സ്ഥാനത്തുനിന്നും നീക്കി
13 October 2014
മോദിസ്തുതി നടത്തിയ ഡോ. ശശി തരൂര് എംപിയെ എഐസിസി വക്താവ് സ്ഥാനത്തുനിന്നും നീക്കി. കെപിസിസി റിപ്പോര്ട്ടിന്റെ അടിസ്ഥാനത്തിലാണ് നടപടി. തരൂരിനെതിരായ കെപിസിസി റിപ്പോര്ട്ട് ഗൗരവതരമായി കാണണമെന്ന് അച്ചടക്കസമിതി ഹൈക്കമാന്ഡിനോട് ശിപാര്ശ ചെയ്തിരുന്നു. ഈ ശിപാര്ശ അംഗീകരിച്ചാണ് ഹൈക്കമാന്ഡിന്റെ നടപടി. മോദി അനുകൂല പ്രസ്താവനയില് നിന്നു തരൂര് പിന്തിരിയണമെന്ന താക്കീതും എഐസിസി നല്കിയിട്ടുണ്ട്. നരേന്ദ്ര മോദിയെ ആവര്ത്തിച്ചു പ്രശംസിക്കുന്ന ശശി തരൂരിനെതിരേ ഉചിതമായ നടപടി സ്വീകരിക്കണമെന്നാവശ്യപ്പെട്ട് കെപിസിസി ഹൈക്കമാന്ഡിനു റിപ്പോര്ട്ട് നല്കിയിരുന്നു.