മഹാരാഷ്ട്ര നിയമസഭാ തിരഞ്ഞെടുപ്പ്:ശിവസേനയുമായി കൂടുതൽ ചർച്ച നടത്താൻ പ്രധാനമന്ത്രി നരേന്ദ്ര മോദിയുടെ നിർദേശം
21 September 2014
മഹാരാഷ്ട്ര നിയമസഭാ തിരഞ്ഞെടുപ്പ് സീറ്റ് വിഭജനം സംബന്ധിച്ച് ഇടയേണ്ടി വന്ന ബി.ജെപിയും ശിവസേനയും സഖ്യം തുടർന്നേക്കുമെന്ന് സൂചന. സഖ്യം പിരിയുന്നതിനെ ഞായറാഴ്ച നടന്ന പാർലമെന്റ് ബോർഡ് യോഗത്തിൽ പ്രധാനമന്ത്രി നരേന്ദ്ര മോദി എതിർത്തതായാണ് സൂചന . ശിവസേനയുമായി കൂടുതൽ ചർച്ച നടത്താനും മോദി നിർദ്ദേശിച്ചു.
135 സീറ്റ് വേണമെന്ന ബി.ജെ.പിയുടെ ആവശ്യം ശിവസേന ഞായറാഴ്ച തള്ളിയിരുന്നു. 119 സീറ്റിൽ ബി.ജെ.പിക്ക് മത്സരിക്കാമെന്നും 18 സീറ്റിൽ ഘടകകക്ഷികളും 151 സീററിൽ തങ്ങളും മത്സരിക്കുമെന്ന് ശിവസേന ഉറച്ച നിലപാടെടുക്കുകയായിരുന്നു.