ലക്ഷദ്വീപില്‍ നിന്നുള്ള ഹജ്ജ് തീര്‍ത്ഥാടകര്‍ നാളെ യാത്ര പുറപ്പെടും
19 September 2014
ലക്ഷദ്വീപില്‍ നിന്നുള്ള ഹജ്ജ് തീര്‍ത്ഥാടകര്‍ നാളെ കരിപ്പൂരില്‍ നിന്നും യാത്ര പുറപ്പെടും. 299 പേരാണ് ലക്ഷദ്വീപില്‍ നിന്നുള്ള ഹജ്ജ് തീര്‍ഥാടകര്‍. സാധാരണ ബേപ്പൂര്‍ തുറമുഖം വ‍ഴിയാണ് ഇവര്‍ കോ‍ഴിക്കോട് എത്താറുള്ളത്. ഇത്തവണ മോശം കാലാവസ്ഥ മൂലം കൊച്ചി തുറമുഖം വ‍ഴി യാത്ര ചെയ്യേണ്ടി വന്നു.
ഇത് മൂലം യാത്രയില്‍ ക്ലേശവുമുണ്ടായി. ശനിയാ‍ഴ്‍ച ഉച്ചക്ക്‌ 12 നുള്ള വിമാനത്തില്‍ ദ്വീപില്‍ നിന്നുള്ള ഹാജിമാര്‍ പുറപ്പെടും. ലക്ഷദ്വീപ് എം.പി മുഹമ്മദ് ഫൈസല്‍ അടക്കമുള്ളവര്‍ ഹാജിമാരെ യാത്രയാക്കാന്‍ എത്തിയിട്ടുണ്ട്.ക‍ഴിഞ്ഞ അഞ്ച് ദിവസമായി കോ‍ഴിക്കോട്ടെ ഹോട്ടലുകളിലാണ് ദ്വീപിലെ ഹാജിമാര്‍ താമസിക്കുന്നത്.
