നിക്കി ഗൽറാണി വീണ്ടും മലയാളത്തിൽ
18 July 2014
1983 എന്ന സിനിമയിലൂടെ ശ്രദ്ധേയയായ നിക്കി ഗൽറാണി യുവനടൻ ഉണ്ണി മുകുന്ദന്റെ നായികയാവുന്നു. ശരത് എ.ഹരിദാസൻ സംവിധാനം ചെയ്യുന്ന എന്തൊരു ഭാഗ്യം എന്ന് പേരിട്ടിരിക്കുന്ന സിനിമയിലൂടെയാണ് നിക്കി വീണ്ടും മലയാളത്തിലെത്തുന്നത്.
ഒരു പ്രണയകഥയയാണ് സിനിമയിൽ പറയുന്നത് . നായകന്റെയും നായികയുടെയും പ്രണയത്തിന് സമാന്തരമായി മറ്റൊരു സംഭവവും സിനിമയെ മുന്നോട്ട് നയിക്കുന്നു. ഉണ്ണിയും നിക്കിയും ഇതുവരെ കണ്ടിട്ടില്ലാത്ത ഒരു വേഷത്തിലാണ് എത്തുന്നതെന്നും ശരത് പറഞ്ഞു.
ചിത്രത്തിലെ മറ്റ് താരങ്ങളെ നിശ്ചയിച്ചു വരുന്നതേയുള്ളൂ. ആഗസ്റ്റ് അവസാനത്തോടെ ഷൂട്ടിംഗ് തുടങ്ങാനാണ് പദ്ധതി.