ഐറ്റം ഡാൻസ് നടിമാരുടെ പട്ടികയിലേക്ക് കാജൾ അഗർവാളും?
10 July 2014
ഐറ്റം ഡാൻസ് ആടിത്തകർത്തവരായ തെന്നിന്ത്യൻ നടിമാരായ തമന്ന, ശ്രുതി ഹാസൻ എന്നിവരുടെ പട്ടികയിലേക്ക് നടി കാജൾ അഗർവാളും എത്തുന്നു.
തെന്നിന്ത്യൻ സിനിമയിലെ ‘വിവാദ’ നായിക അഞ്ജലി നായികയാവുന്ന ഗീതാഞ്ജലി എന്ന സിനിമയിലാണ് കാജൽ ഐറ്റം ഡാൻസ് ചെയ്യുന്നതെന്നാണ് റിപ്പോർട്ട്. നടി സാമന്തയെയാണ് ഈ ഐറ്റം ഡാൻസിനായി നിർമാതാക്കൾ ആദ്യം സമീപിച്ചതെന്നായിരുന്നു വാർത്തകൾ.
അതേസമയം നിർമാതാക്കളുമായുള്ള ചർച്ചകൾ നടന്നു വരികയാണെന്നാണ് കാജലിനോട് അടുത്ത വൃത്തങ്ങൾ പറയുന്നത്. എല്ലാം ശരിയാവുകയാണെങ്കിൽ ഒരു ഐറ്റം നമ്പറിൽ ആദ്യമായാവും കാജൾ പ്രത്യക്ഷപ്പെടുക.