കോട്ടയം ജില്ലയിൽ മദ്യദുരന്തത്തിന് സാധ്യതയെന്ന് പൊലീസിന്റെ രഹസ്യാന്വേഷണ വിഭാഗം

single-img
17 June 2014

kallകോട്ടയം ജില്ലയിൽ മദ്യദുരന്തത്തിന് സാധ്യതയെന്ന് പൊലീസിന്റെ രഹസ്യാന്വേഷണ വിഭാഗം സർക്കാരിന് റിപ്പോർട്ട് നൽകി. കള്ളുഷാപ്പുകളിൽ അനുവദനീയമായതിലും കൂടിയ അളവിൽ സ്പിരിറ്റ് കലർന്ന മദ്യം വിൽക്കുന്നതായും റിപ്പോർട്ടിൽ പറയുന്നു. ചങ്ങനാശേരി റേഞ്ചിലെ ഷാപ്പുകളില്‍ 55 ഷാപ്പുകളാണുള്ളത്.

 
ഇതിൽ ഇരുപതിലേറെ ഷാപ്പുകള്‍ സ്പിരിറ്റിന്റെ അളവ് കൂടുതലുള്ള വ്യാജക്കള്ളാണ് വിൽക്കുന്നത്. രാവിലെ ഒമ്പത് മണി മുതൽ രാത്രി ഒമ്പത് വരെ മാത്രമെ പ്രവർത്തിക്കാവു എന്ന നിർദ്ദേശം ഷാപ്പുകൾ പാലിക്കുന്നില്ലെന്നും റിപ്പോർട്ടിൽ പറയുന്നു.കോട്ടയം ജില്ലാപൊലീസ് മേധാവി,​ കോട്ടയം എക്‌സൈസ് ഡെപ്യൂട്ടി കമ്മഷണർ എന്നിവർക്കും റിപ്പോർട്ട് നൽകിയിട്ടുണ്ട്.