ആലപ്പു‍ഴയുടെ തീരദേശങ്ങളില്‍ രൂക്ഷമായ കടലാക്രമണം
11 June 2014
കാലവര്‍ഷം ശക്തി ആയതോടെ ആലപ്പു‍ഴയുടെ തീരദേശങ്ങളില്‍ രൂക്ഷമായ കടലാക്രമണം. കടല്‍ ഭിത്തി ഇല്ലാത്ത ഇടങ്ങളില്‍ നൂറുകണക്കിന് വീടുകള്‍ കടലാക്രമണ ഭീഷണിയിലാണ്. തീരദേശത്തെ റോഡുകള്‍ പലതും ഇപ്പോൾ തന്നെ ഗതാഗത യോഗ്യമല്ലാതായി. ജില്ലാ ഭരണകൂടം തീരത്ത് ജാഗ്രത നിര്‍ദ്ദേശം പുറപ്പെടുവിച്ചിട്ടുണ്ട്.
ചെല്ലാനം, ചെത്തി, ചേന്നവേലി, തൈക്കല്‍, പളളിത്തോട്, കാട്ടൂര്‍, അമ്പലപ്പു‍ഴ, ഭാഗങ്ങളിലാണ് കടലാക്രമണം രൂക്ഷമായത്. തിര അടിച്ചുകയറുന്നതിനാല്‍ പ്രദേശത്ത് വെള്ളക്കെട്ട് രൂപപ്പെട്ടിട്ടുണ്ട്. അമ്പലപ്പു‍ഴ പുറക്കാട് തീരങ്ങളില്‍ സുനാമി പുനരധിവാസ പദ്ധതി പ്രകാരം നിര്‍മ്മിച്ച വീടുകള്‍ കടലാക്രമണ ഭീഷണിയിലാണ്. മ‍ത്സ്യബന്ധനം അസാധ്യമായതോടെ പല വീടുകളും പട്ടിണിയിലാണ്.
