നരേന്ദ്രമോദിയുടെ ലക്ഷ്യം ഇന്ത്യയുടെ ഐക്യം തകര്‍ക്കല്‍: ആന്റണി
29 March 2014
ബിജെപിയുടെ പ്രധാനമന്ത്രി സ്ഥാനാര്‍ഥി നരേന്ദ്ര മോദിയുടെ ലക്ഷ്യം ഇന്ത്യയുടെ ഐക്യം തകര്‍ക്കലാണെന്ന് കേന്ദ്ര പ്രതിരോധ വകുപ്പ് മന്ത്രി എ.കെ. ആന്റണി. ഗുജറാത്തല്ല ഇന്ത്യയെന്നും ഗുജറാത്തിനെ അപേക്ഷിച്ച് കേരളം സ്വര്‍ഗമാണെന്നും അദ്ദേഹം പറഞ്ഞു. ഇടതു മുന്നണിക്കെതിരേയും രൂക്ഷ വിമര്‍ശനമാണ് എ.കെ.ആന്റണി ഉന്നയിച്ചത്. ഈ തെരഞ്ഞെടുപ്പോടുകൂടി ഇടതു മുന്നണി ചരിത്രത്തിന്റെ ഭാഗമാകുമെന്നും തിരുവനന്തപുരം പ്രസ് ക്ലബില്‍ നടന്ന മുഖാമുഖം പരിപാടിയില്‍ അദ്ദേഹം പറഞ്ഞു.
