ഏ.കെ. ആന്റണിക്കെതിരെയുള്ള പരാമര്ശം; മോദി നയവഞ്ചകനെന്ന് കോണ്ഗ്രസ്
28 March 2014
പാക്കിസ്ഥാന് ഏജന്റെന്നു പ്രതിരോധ മന്ത്രി എ.കെ. ആന്റണിയെ വിശേഷിപ്പിച്ച നരേന്ദ്ര മോദിയുടെ വാക്കുകള് നയവഞ്ചകന്റേതാണെന്നു കോണ്ഗ്രസ്. ഇന്ത്യാക്കാരനായ ഒരു നേതാവിനു ഇതു പോലുള്ള വാക്കുകള് ഒരിക്കലും ഉപയോഗിക്കാനാവില്ലെന്നു കോണ്ഗ്രസ് വക്താവ് സഞ്ജയ് ഝാ പറഞ്ഞു. രാജ്യത്തിന്റെ പ്രധാന ശത്രുക്കള് മൂന്ന് എകെ-കളാണെന്നാണു മോദി കഴിഞ്ഞ ദിവസം പ്രസംഗത്തില് പരാമര്ശിച്ചത്.
ആന്റണിക്കെതിരായ ആക്ഷേപങ്ങള്ക്കു മോദിയും ബിജെപിയും രാജ്യത്തോടും മറുപടി പറയേണ്ടി വരുമെന്നും സഞ്ജയ് ഝാ പറഞ്ഞു. പാകിസ്ഥാനെ സഹായിക്കുന്ന പ്രതിരോധമന്ത്രി എ.കെ.ആന്റണി, ആം ആദ്മി നേതാവ് അരവിന്ദ് കേജരിവാള്, എകെ-47 എന്നിങ്ങനെ മൂന്ന് എകെ-കളാണെന്ന് മോദി കഴിഞ്ഞ ദിവസം ആരോപിച്ചിരുന്നു