കോണ്‍ഗ്രസില്‍ പരസ്യപ്രസ്താവനകള്‍ക്ക് വിലക്ക്
17 February 2014
ലോക്‌സഭ ഇലക്ഷന്റെ പശ്ചാത്തലത്തില്‍ കെപിസിസി പ്രസിഡന്റായ ശേഷമുള്ള വി.എം. സുധീരന്റെ ആദ്യ പാര്‍ട്ടി സര്‍ക്കാര്‍ ഏകോപന സമിതിയോഗത്തില്‍ കോണ്‍ഗ്രസ് സ്ഥാനാര്‍ഥി നിര്‍ണയം സംബന്ധിച്ചുള്ള പരസ്യ പ്രസ്താവനകള്‍ക്ക് വിലക്ക്. കെപിസിസി പ്രസിഡന്റ് വി.എം സുധീരനാണ് പാര്‍ട്ടി- സര്‍ക്കാര്‍ ഏകോപനസമിതി യോഗത്തില്‍ ഇക്കാര്യം അറിയിച്ചത്. പാര്‍ട്ടി അധ്യക്ഷ സോണിയ ഗാന്ധിയുടെ തീരുമാനങ്ങള്‍ അന്തിമമാണെന്നും സോണിയയുടെ തീരുമാനങ്ങളും പ്രസ്താവനകളും പ്രത്യക്ഷമായോ പരോക്ഷമായോ ആരും ചോദ്യം ചെയ്യാന്‍ പാടില്ലെന്നും സുധീരന്‍ അറിയിച്ചു.
