ഓസ്‌ട്രേലിയന്‍ ഓപ്പണ്‍ കിരീടം സ്വിസ്റ്റര്‍ലന്‍ഡിന്റെ സ്റ്റാനിസ്ലാസ് വാവ്‌റിങ്കയ്ക്ക്
27 January 2014
റാഫേല്‍ നഡാലിനെ തോല്‍പിച്ച് സ്വിസ്റ്റര്‍ലന്‍ഡിന്റെ സ്റ്റാനിസ്ലാസ് വാവ്‌റിങ്കയ്ക്ക് ഓസ്‌ട്രേലിയന്‍ ഓപ്പണ്‍ കിരീടം.ഞായറാഴ്ച മെല്‍ബണ്‍പാര്‍ക്കിലെ രണ്ടാം കിരീടത്തിനായി കളത്തിലിറങ്ങിയ നഡാലിന് നിരാശയായിരുന്നു ഫലം. നാലുസെറ്റ് നീണ്ടുനിന്ന പോരാട്ടത്തിലാണ് വാവ്‌റിങ്ക കന്നിക്കിരീടം നേടിയത്. സ്‌കോര്‍ : 6-3, 6-2, 3-6, 6-3 . എട്ടാം സീഡാണ് വാവ്‌റിങ്ക. സെമിയിലെ ക്ലാസിക് പോരാട്ടത്തില്‍ സ്വിസ് താരം റോജര്‍ ഫെഡററെ മുട്ടുകുത്തിച്ചാണ് നഡാല്‍ , വാവ്‌റിങ്കയുമായി കലാശക്കളിക്ക് അര്‍ഹതനേടിയത്. സെമിയില്‍ വാവ്‌റിങ്ക ചെക്ക് റിപ്പബ്ലിക്കിന്റെ തോമസ് ബെര്‍ഡിഷിനെയാണ് കീഴടക്കിയത്.
