മാഞ്ചസ്റ്റര്‍.യുണൈറ്റഡ് സെമിയില്‍
20 December 2013
ഇംഗ്ലീഷ് ലീഗ് കപ്പില്‍ മാഞ്ചസ്റ്റര്‍ യുണൈറ്റഡ് സെമിയില്‍. എതിരാളി മാഞ്ചസ്റ്റര്‍ സിറ്റി നേരത്തേ സെമിയില്‍ പ്രവേശിച്ചിരുന്നു. സ്റ്റോക് സിറ്റിയെ ഏകപക്ഷീയമായ രണ്ടു ഗോളിനു മറികടന്നാണ് യുണൈറ്റഡ് അവസാന നാലില്‍ ഇടംപിടിച്ചത്. അതേസമയം, മറ്റൊരു ക്വാര്‍ട്ടര്‍ ഫൈനലില്‍ ടോട്ടനം ഹോട്ട്‌സ്പറിനെ 2-1നു ഞെട്ടിച്ച് വെസ്റ്റ്ഹാം യുണൈറ്റഡ് സെമിയിലെത്തി. സ്റ്റോക് സിറ്റിയുടെ മൈതാനമായ ബ്രിട്ടാനിയ സ്റ്റേഡിയത്തില്‍ 62 മിനിറ്റ് കാത്തിരിപ്പിനുശേഷമാണ് യുണൈറ്റഡിനു ഗോള്‍ നേടാന്‍ സാധിച്ചത്. 62-ാം മിനിറ്റില്‍ ആഷ്‌ലി യംഗാണ് യുണൈറ്റിഡിന് ലീഡ് സമ്മാനിച്ചത്. 78-ാം മിനിറ്റില്‍ പാട്രിക് എവ്‌റ യുണൈറ്റഡിന്റെ വിജയം 2-0 ആക്കി.
