സിറിയയില് സൈനിക ഇടപെടലിനു യുഎസ്
15 June 2013
സിറിയന് വിമതര്ക്ക് എതിരേ പ്രസിഡന്റ് ബഷാര് അസാദിന്റെ സൈനികര് രാസായുധം പ്രയോഗിച്ചെന്നു പ്രഖ്യാപിച്ച് അവിടെ സൈനിക ഇടപെടലിന് അമേരിക്ക കോപ്പുകൂട്ടുകയാണെന്നു റിപ്പോര്ട്ട്. തത്കാലം വിമതര്ക്ക് ആയുധങ്ങളും സൈനിക പിന്തുണയും നല്കാന് വൈറ്റ്ഹൗസ് തീരുമാനിച്ചു. സിറിയന്-ജോര്ദാന് അതിര്ത്തിയില് പറക്കല്നിരോധന മേഖല ഏര്പ്പെടുത്തി വിമതരെ സഹായിക്കാനും അമേരിക്കയ്ക്കു പദ്ധതിയുണെ്ടന്നു പറയപ്പെടുന്നു. ഇതു സാധ്യമാവണമെങ്കില് സിറിയയുടെ വ്യോമപ്രതിരോധ സംവിധാനം തകര്ക്കണം. ജോര്ഡാനില് അമേരിക്ക പേട്രിയട്ട് മിസൈല് വിന്യസിച്ചിട്ടുണ്ട്. സൈനികാഭ്യാസത്തിനായി അമേരിക്കന് ഭടന്മാരെയും എത്തിച്ചു.