മാവോയിസ്റ്റ് സാന്നിധ്യം: തണ്ടര്‍ ബോള്‍ട്ട് കമാന്‍ഡോ സംഘം ചിമ്മിനിയില്‍ തെരച്ചില്‍ നടത്തി
15 May 2013
പശ്ചിമഘട്ട മലനിരകളില്‍ മാവോയിസ്റ്റ് സാന്നിധ്യമുണെ്ടന്ന നിഗമനത്തില്‍ തണ്ടര്‍ ബോള്‍ട്ട് കമാന്‍ഡോ സംഘം ചിമ്മിനി വനമേഖലയില്‍ തെരച്ചില്‍ നടത്തി. തണ്ടര്‍ബോള്‍ട്ട് എഎസ്‌ഐ. ബഷീര്‍, സിഐ കുരിയച്ചന്‍, വരന്തരപ്പിള്ളി എസ്‌ഐ കെ.കെ. ഷ ണ്‍മുഖന്‍, ഫോറസ്റ്റര്‍ മനോജ് ദാമോദരന്‍ എന്നിവരുടെ നേതൃത്വത്തിലായിരുന്നു വനത്തിലെ തെരച്ചില്‍. എച്ചിപ്പാറ, ചീനിക്കുന്ന്, ഒളനപറമ്പ്, കള്ളിചിത്ര എന്നീ ആദിവാസി കോളനികളില്‍ സംഘം സന്ദര്‍ശനം നടത്തി. വനത്തിനുള്ളില്‍ ആറു കിലോമീറ്ററോളം ദൂരം സംഘം തെരച്ചില്‍ നടത്തിയെങ്കിലും മാവോയിസ്റ്റ് സാ ന്നിധ്യം കണെ്ടത്താനായില്ല.
