Sports

ഒളിമ്പിക്‌സ്; അമ്പെയ്ത്തില്‍ പുരുഷ- വനിതാ ടീമുകള്‍ നിരാശപ്പെടുത്തി

അമ്പെയത്തില്‍ പുരുഷന്മാരുടെയും വനിതകളുടെയും ടീം, വ്യക്തിഗത റാങ്കിംഗ് ഇനത്തില്‍ ഇന്ത്യന്‍ താരങ്ങള്‍ നിരാശപ്പെടുത്തി. ലോക ഒന്നാം നമ്പര്‍ താരം ദീപിക കുമാരി 662 പോയിന്റുമായി എട്ടാം സ്ഥാനത്ത് ഫിനിഷ് ചെയ്തു. ആദ്യ റൗണ്ടില്‍ 327 പോയിന്റുമായി 18-ാം സ്ഥാനത്തായിരുന്ന ദീപിക രണ്ടാം റൗണ്ടില്‍ 335 പോയിന്റ് നേടി രണ്ടാം സ്ഥാനത്തെത്തി. എലിമിനേഷന്‍ റൗണ്ടില്‍ ഇന്ത്യന്‍ ടീം ഡെന്മാര്‍ക്കുമായി മാറ്റുരയ്ക്കും. വ്യക്തിഗത ഇനത്തില്‍ ദീപികയുടെ എതിരാളി ബ്രിട്ടന്റെ ആമി ഒളിവറാണ്.

12 രാജ്യങ്ങള്‍ മത്സരിച്ച പുരുഷ അമ്പെയ്ത്ത് മത്സരത്തില്‍ ഇന്ത്യയ്ക്ക് 12-ാം സ്ഥാനമാണ് നേടാനായത്. 1969 പോയിന്റു മാത്രമാണ് ഇന്ത്യന്‍ താരങ്ങള്‍ക്കു നേടാനായത്. ഇന്നു നടക്കുന്ന പ്രീ-ക്വാര്‍ട്ടറില്‍ ഇന്ത്യ ജപ്പാനെ നേരിടും. ജപ്പാനുമായി വിജയിച്ചാല്‍ അമേരിക്കയുമായി ക്വാര്‍ട്ടറില്‍ മാറ്റുരയ്ക്കും. കൊറിയയ്‌ക്കൊപ്പം ചൈന, ഫ്രാന്‍സ് എന്നിവരും ക്വാര്‍ട്ടറില്‍ കടന്നിട്ടുണ്ട്.