World

ഒബാമയുടെ തലയുടെ വില 10 ഒട്ടകങ്ങൾ ഹിലാരിക്ക് 10 കോഴിക്കുഞ്ഞുങ്ങൾ

യു എസ് പ്രസിഡന്റ് ബറാക് ഒബാമയെ പിടിച്ചു കൊടുക്കുന്നർക്ക് പാരിതോഷികമായി 10 ഒട്ടകങ്ങൾ.വിദേശകാര്യ സെക്രട്ടറി ഹിലാരി ക്ലിന്റന്റെ തലയ്‌ക്ക് 10 കോഴിക്കുഞ്ഞും 10 പൂവന്‍ കോഴിയുമാണ്‌ സൊമാലിയയിലെ ഷഹാബ്‌ അല്‍ മുജാഹിദീന്‍ നേതാവ്‌ ഫൗദ്‌ മുഹമ്മദ്‌ ഖലാഫ്‌ ഇനാം പ്രഖ്യാപിച്ചത്‌. ഷബാബിന്റെ സ്‌ഥാപകനേതാവ്‌ അഹമ്മദ്‌ അബ്‌ദി അല്‍ മുഹമ്മദിന്റെ തലയ്‌ക്ക് അമേരിക്കന്‍ വിദേശകാര്യ വകുപ്പ്‌ കഴിഞ്ഞ ദിവസം 70 ലക്ഷം ഡോളര്‍ ഇനാം പ്രഖ്യാപിച്ചിരുന്നു. ഖലാഫിനും രണ്ടു കൂട്ടാളികള്‍ക്കും 50 ലക്ഷം ഡോളര്‍ വീതവും വിലയിട്ടു. ഇതിനാണ്‌ ഖലാഫ്‌ പരിഹാസരൂപേണ ഇങ്ങനെയൊരു ഇനാം പ്രഖ്യാപിച്ചത്.വിഡ്‌ഢിയായ ഒബാമയെ കണ്ടെത്താന്‍ സഹായിക്കുന്നവര്‍ക്ക്‌ 10 ഒട്ടകങ്ങളും ഹിലാരിയെന്ന കിഴവിയെപ്പറ്റി വിവരം നല്‍കുന്നവര്‍ക്ക്‌ 10 കോഴിക്കുഞ്ഞും 10 പൂവന്‍ കോഴിയും സമ്മാനം’ എന്നാണ്‌ ഖലാഫിന്റെ പ്രഖ്യാപനം.