World

റഷ്യന്‍ പ്രസിഡന്റ് ജൂണില്‍ ചൈന സന്ദര്‍ശിക്കും

റഷ്യന്‍ പ്രസിഡന്റ് വ്‌ളാഡിമിര്‍ പുടിന്‍ ജൂണില്‍ ചൈന സന്ദര്‍ശിക്കും. വെള്ളിയാഴ്ച നടന്ന എസ്.സി.ഒ വിദേശകാര്യമന്ത്രിമാരുടെ യോഗത്തിനിടെ ചൈനീസ് വൈസ് പ്രസിഡന്റ് സി ജിന്‍പിങ്ങും റഷ്യന്‍ വിദേശകാര്യമന്ത്രി സെര്‍ജി ലാവ്‌റോയും തമ്മിലുള്ള കൂടിക്കാഴ്ചയിലാണ് ഇക്കാര്യം തീരുമാനിച്ചത്. ചൈന ഈ സന്ദര്‍ശനത്തെ വളരെ ഗൗരവത്തോടെയാണ് കാണുന്നതെന്ന് സിജിന്‍പിങ് അറിയിച്ചു.

ഷാന്‍ഹായ് കോ ഓപ്പറേഷന്‍ ഓര്‍ഗനൈസേഷനില്‍ പങ്കെടുക്കുന്നതിനൊപ്പം ചൈനീസ് പ്രസിഡന്റ് ഹുജിന്റാവോയുടെ ആതിഥ്യം സ്വീകരിക്കുന്നതിനുമാണ് പുടിന്‍ ചൈന സന്ദര്‍ശിക്കുന്നത്.